Cymorth Mentor 25+ Oed

Ydych chi’n 25 oed neu’n hŷn ac yn chwilio am help i ddod o hyd i waith?

Gall Mentoriaid Oedolion y Gwasanaeth i Mewn i Waith helpu!

Gall ein tîm ymroddedig o Fentoriaid Cyflogaeth Oedolion eich helpu gyda chyngor a chymorth cyflogaeth arbenigol, i gael hyfforddiant am ddim ac i fanteisio ar gronfa rwystrau ar gyfer anghenion hyfforddi pwrpasol yn ogystal â chael gwared ar unrhyw rwystrau i hyfforddiant neu gyflogaeth. Gellir darparu’r gwasanaeth ar sail 1:1 yn unrhyw un o’n Hybiau neu yn eich cymuned leol.

Mae gennym brosiectau cyflogaeth sy’n darparu ar gyfer y rhan fwyaf o amgylchiadau, p’un a ydych wedi cael eich diswyddo’n ddiweddar, yn ddi-waith yn hirdymor neu’n fyrdymor, yn ddi-waith oherwydd anabledd neu’n dymuno dychwelyd i’r gwaith ar ôl cymryd amser i ffwrdd o’r gwaith i dreulio amser gyda’ch plant.

Edrychwch ar y prosiectau a restrir isod ac os oes gennych ddiddordeb, cysylltwch â ni i fanteisio ar y cymorth y gallwn ei gynnig.

Mentoriaid Oedolion

Cymunedau am Waith +

  • Cymorth 1:1 i ddod o hyd i waith
  • Rydym wedi ein lleoli yn eich cymuned leol; gallwn gwrdd lle byddwch yn teimlo’n gyfforddus
  • Hyfforddiant am ddim
  • Cymorth ariannol i’ch helpu i fynd i mewn i’r gwaith – gan gynnwys gofal plant byrdymor, costau trafnidiaeth, dillad cyfweliad/dillad sy’n benodol i waith yn ogystal â ffioedd cyrsiau hyfforddi arbenigol *yn amodol ar arian a chymhwysedd*
  • Cymorth 1:1 pwrpasol i lunio CV a chwblhau ffurflenni cais
  • Paratoi ar gyfer cyfweliadau a chyngor bywyd go iawn yn uniongyrchol gan gyflogwyr

Cymhwysedd

  • 25+ oed
  • 0-11 mis yn ddi-waith
  • Yn byw yn ardal Caerdydd

Prosiect MILES

  • Ydych chi’n ddigartref, yn syrffio soffas neu’n cael trafferth gyda llety? Yna mae’r project hwn ar eich cyfer chi!
  • Cymorth 1:1 i ddod o hyd i waith!
  • Cymorth ariannol i’ch helpu i gael gwaith – gan gynnwys talu am gostau gofal plant a chludiant, dillad sydd eu hangen yn benodol ar gyfer cyfweliadau neu’r gwaith yn ogystal â ffioedd cyrsiau hyfforddi arbenigol (yn amodol ar fod yn gymwys)
  • Cymorth 1:1 pwrpasol i lunio CV a chwblhau ffurflenni cais
  • Paratoi ar gyfer cyfweliadau a chyngor bywyd go iawn yn uniongyrchol gan gyflogwyr
  • Cymorth wrth ystyried eich dewisiadau tai
  • Cymorth wrth fynychu cyfarfodydd neu apwyntiadau tai

Cymhwysedd

  • 25+ oed
  • Yn ddigartref neu’n cael trafferth gyda llety
  • Ddim mewn cyflogaeth, addysg na hyfforddiant
  • Byw yng Nghaerdydd
Arwyddlun Gwasanaeth Cynghori i Mewn i Waith

Mynnwch sgwrs gyda ni ar-lein neu rhowch alwad i ni ar 02920 871 071 i drafod eich anghenion yn llawn.

Gweld ein gwefannau eraill

Yr Hub Dysgu Caerdydd Caerdydd ar waith Gwirfoddoli Caerdydd Cyngor Ariannol