Mae’r Academi Adeiladu ar y Safle yn gynllun profiad gwaith a chyflogaeth a ariennir ac a gyflwynir gan Wasanaeth Cyngor i Mewn i Waith Cyngor Caerdydd.
Os ydych eisiau ehangu eich set sgiliau a chael cymwysterau i weithio ar safleoedd adeiladu, gallwn gynnig arweiniad a hyfforddiant i chi. Rydym yn cynnig hyfforddiant a phrofiad gwaith o safon ar safleoedd gydag ystod eang o gontractwyr i roi’r sgiliau sydd eu hangen arnoch i ddatblygu eich gyrfa.
Rydym yn gweithio gyda’r grwpiau canlynol:
Mae’r Academi Adeiladu ar y Safle yn croesawu ceiswyr gwaith, newidwyr gyrfa a’r rhai sy’n dychwelyd i’r diwydiant. Mae ein cwrs hyfforddiant adeiladu am ddim yn cynnwys:
- Sgiliau ailgyflogi
- Tystysgrifau diogelwch Lefel 2 achrededig
- Iechyd a Diogelwch mewn Amgylchedd Adeiladu Lefel 1, a
- Chymhwyster cerdyn Cynllun Ardystio Sgiliau Adeiladu (CSCS)
Efallai y byddwn hefyd yn gallu eich cefnogi i ennill ardystiad Diogelwch Personol ar Draciau’r Rheilffordd.
Ar ôl hyfforddiant, rydym yn rhoi ceiswyr gwaith mewn cysylltiad â chontractwyr lleol i gynnig cyfleoedd cyflogaeth a phrentisiaethau.
Rydym yn derbyn atgyfeiriadau gan ystod eang o sefydliadau yn cynnwys:
- Awdurdodau Lleol
- Sefydliadau Cyflogaeth y Llywodraeth
- Prosiectau Cymorth Cyflogadwyedd
- Cymdeithasau Tai
Rydym yn gweithio’n agos gyda’r sefydliadau hyn drwy gydol taith y dysgwr i rannu cynnydd a thrafod materion, gan sicrhau’r deilliannau gorau posibl i bob dysgwr.
Rydym yn gweithio’n agos gyda chontractwyr cenedlaethol a lleol ac asiantaethau recriwtio ym maes adeiladu i roi profiad a chyfleoedd cyflogaeth i ddysgwyr.
Os ydych chi’n gyflogwr, cysylltwch â ni os gallwch gynnig cyfleoedd profiad ar y safle neu os ydych chi’n chwilio am weithwyr newydd. Gallwch hefyd siarad â’n Swyddog Gwerth Cymdeithasol ymroddedig ynghylch Budd-daliadau Lles Cymunedol.
Cymhwysedd
I fod yn gymwys i gael ein cefnogaeth mae’n rhaid i chi fod:
- Ddim mewn addysg amser llawn
- Dros 16 oed (dim terfyn oedran uchaf)
- Yn byw yng Nghaerdydd
Os oes gennych ddiddordeb mewn cael profiad newydd ar safle a datblygu eich sgiliau, cysylltwch â ni:
02920 871 071
